Balayya సెట్లో పవన్ సందడి

దిశ, వెబ్ డెస్క్: మాస్ ఫాలోయింగ్‌లో బాలకృష్ణ స్టైలే వేరు.. పవన్ కల్యాణ్‌కు యూత్‌లో ఉన్న క్రేజ్ సెపరేట్.. మరి వీరిద్దరు ఒక చోట కలిస్తే ఫ్యాన్స్‌కు పండగే. బాలకృష్ణ ప్రస్తుతం వీరసింహారెడ్డి షూటింగ్ లో బిజీగా ఉన్నారు. పవన్ కల్యాణ్ సైతం హరిహర వీరమల్లు సినిమాతో పాటు జనసేన పార్టీ కార్యక్రమాల్లో తలమునకలయ్యారు. కాగా శుక్రవారం వీరసింహారెడ్డి సెట్ కు పవన్ కల్యాణ్ వెళ్లారు. ఒక్క సారిగా పవన్ కల్యాణ్ బాలయ్య సినిమా షూటింగ్ స్పాట్ కు రావడంతో అక్కడ ఉన్నవారంతా షాక్ కు గురయ్యారు. ప్రస్తుతం వీరసింహా రెడ్డి షూటింగ్ హైదరాబాద్ లోని ఓ స్టూడియోలో జరుగుతోంది.

బాలకృష్ణ- శృతి హాసన్ లపై నృత్య దర్శకుడు ప్రేమ్ రక్షిత్ నేతృత్వంలో ఓ పాటను తెరకెక్కిస్తున్నారు. అదే స్టూడియోలో పవన్ కల్యాణ్ హరిహరవీరమల్లు చిత్రీకరణ జరుగుతోంది. శుక్రవారం పవన్ కల్యాణ్ వీరసింహారెడ్డి సెట్ కు డైరెక్టర్ క్రిష్, నిర్మాత ఎంఎం రత్నం తదితర చిత్రబృందంతో కలిసి వెళ్లారు. బాలకృష్ణ వీరిని సెట్ లోకి ఆత్మీయంగా స్వాగతం పలికి కాసేపు పలు విషయాలపై ముచ్చటించారు. బాలకృష్ణ పవన్‌తో త్వరలో అన్ స్టాపెబుల్ -2 కు సంబంధించి షూటింగ్ షెడ్యూల్ ఈనెల 27న ఫిక్స్ అయిన నేపథ్యంలో వీరు కలుసుకోవడం చర్చనీయాంశంగా మారింది. కాగా బాలకృష్ణ షోకు పవన్ రానుండటంతో ఫ్యాన్స్ ఆ ఎపిసోడ్ కోసం ఆసక్తిగా ఎదురు చూస్తున్నారు.

Also Read..

ధనుష్ 'సార్' మూవీ నుంచి బిగ్ అప్‌డేట్!

పవన్ కల్యాణ్, బాలకృష్ట కలయికపై వైసీపీ నేత తీవ్ర వ్యాఖ్యలు..